Optometria pediatrikoa
Senegal
Hain garrantzitsuak al dira haurrentzako azterketa optometrikoak?
Ikusmen-arazoen % 90 betaurrekoekin bakarrik konpon daitezke. Besterik gabe? Ez hainbeste. Europan optometristak eta optikoak eskura baditugu, egoera oso bestelakoa da Senegalen edo Mozambiken.
Arazoa bikoitza da:
1. Optometrian profesional gutxi dagoenez, haur gehienek ez dute arretarik jasotzen
2. Profesional horien prestakuntzarik ezak betaurrekoen graduazio-akatsak eragiten ditu
Nola garatzen dira azterketa horiek?
Gure prestakuntza-bidaiak aprobetxatzen ditugu azterketa optometriko pediatriko ugari egiteko auzo behartsuetako eskoletan edo umezurztegietan: ikusmen-arreta oso beharrezkoa eskaintzeaz gain, haurren ikusmen-zolitasunaren probak egiten irakasten diegu gure ikasleei.
Erretinoskopia-praktikak egiten ditugu paziente errealekin: azterketa oso garrantzitsua da pazientearen errefrakzio-egoera zehazteko, hau da, betaurrekoak behar dituen ala ez jakiteko.
Azkenik, screening bisual on bat nola egin irakasten dugu. Hori oso beharrezkoa da medikuarengana azterketa prebentibo bat egitera joateko kulturarik ez dagoen herrialdeetan, arazoa dagoeneko agerikoa denean baizik. Ikusmen-sistemaren alterazioak goiz detektatzeak azkarrago eta modu eraginkorragoan tratatzeko aukera ematen du.
